Vawiin khan Central Young Lai Association chuan Lawngtlai District ti hmingtha tu te, mi pathum, Lalrinchhani MCS, D/o Remlalnghaka. Benjamin Lalrinawma MF&AS, S/o J.Ramthanga. Lalramengmawii Top 8 HSSLC (Arts), D/o V.Lalramtiama. te chawimawina hun Lawngtlaia Central Office ah an nei.
He hun, Central YLA Vice President Pu T.Rohlupuia kaihhruaiah hian Adviser Pu CZ.Thanliana chuan Lawngtlai District in hmasawnna a neih belh vangin lawmthu a sawi.
Central YLA President Pu F.Lalrothanga chuan Zirna lamah nasa zawka hmasawn a ngaithu sawiin, zirlai hlawhtling chawimawi tlak YLA in Member a nei chu lawmawm a tih thu sawiin, thawhrimna atangin hlawhtlinna a awm thin a, an chawimawi takte chu thalai, zirlaiten entawn se a duh thu a sawi.
Chawimawina hlanna a tel Lai Women Association, Lai Students’ Association leh Lawngtlai District Students’ Association atangin lawmpuina leh fuihna ngaihthlak a nih bakah, chawimawina dawngtuten thu an sawi bawk.
Hlawhtlinna changte hnen ah Central YLA ai awhin Pu.Lalngaihzuala Fanchun Treasurer in thil pek a hlan a, MHIP Sub-Hqrs atangin lawmpuina thil pek hlan a ni bawk.
Pu MC.Lalrokhuma Principal, Gov't Lawngtlai College hnen atangin zirna a hlawhtling te fuihna thuchah leh lawmpuina thu a sawi bawk.