PHE Department chuan mipuite tui rentur leh Village Council te chu an huamchhunga Tuikhur te tuaihnum turin a ngen.
Er.H.Lalnunthanga, Sr.Executive Engineer, PHED, Lawngtlai WATSAN Division chuan Lawngtlai Greater Water Supply Scheme in a huam chhunga Village Council te hnen ah ngenna siamin, Lawngtlai Tuilakna a Tui Pump khawl chu April 22, 2025 khan a chhiat vangte, a chhelai siamtha tur hian thlaruk vel nghah a ngaihthu tur thute tarlangin, mipuiten tuirencham a tul thu leh VC te chu an huamchhunga Tuikhur te mipuiin an chawitlaka tuaihnum turin a ngen.
The Lawngtlai Post in Er.H.Lalnunthanga hnena atanga thu a sawndanin, LGWSS ah hian Tui pump na khawl pahnih, Diesel hmang leh Electric hmang a awm a, tuna chhia hi Diesel hmang zawk niin, tun dinhmun ah khawl pakhat chauh hmantheih a nih vangin thlaveng a awm tak lohah chuan engemaw hriatlawkloh Tui pump khawl ah chianglo leh fello awmpalh se, Tui pump theihloh a nih zui mai dawn vangin, khawl awmchhun chu dimtaka hman a ngai a, heivang hian Tuirenchem leh ruahtui khawl leh Tuikhurte tlantlaka vawn thianghlim PHED chuan tul an tih thu a sawi.
Tarlantawh angin Lawngtlai Tuilakna a Tui pump khawl chu thlaveng awmlo a ni a, a chhiat chuan Tui pump theihloh a nih vangin Sorkar chuan Tui pump khawl leh mamawh dangte Rs. 1,39,91,071/- man leiturin tihfel ngaite a tihfel tawh.