Excise & Narcotics Department, Lawngtlai ten thla hnih chhunga tualchhung a siam, Zu an man, tualchhunga hralhna anga chhuta Rs. 17,60,000/- (Cheng Nuai 17 sing 6) man hu chu vawiin khan an paih.
Officer in charge Pu Lalrengpuia hovin an zu mansa te hi Lawngtlai a an Office bul ah an paih a, an zu man hi kumin April leh May thla chhunga an man niin, Lawngtlai khawpui a an man vek niin fun 220 a vaiin Litres 2200 a ni. April leh May thla chhung hian Ganja Kg 4 Rs. 45,000/- man hu leh Heroin Rs. 30,000/- man hu an man bawk.
An zu paihna a tel Lawngtlai a Chanchinbumite zawhna chhangin Pu Lalrengpuia O.C chuan Central Young Lai Association hnuaia ruihhlo dotute nen thawhhona thatak an nei tih sawiin, YLA chuan kawng hrang hrangin ruihhlo dona ah an thawhhlawk takzet a ti a, an [The Lawngtlai Post] hmalakna chu chhuanawm a tih thu a sawi a, Heroin pawh tualchhungah mantur a awm fo tih sawiin, a tamtham tak erawh man an neiloh laiin, Heroin tithinten tamtham lemlo, an mahni ruihtur tuak nan a an zawrth chhawn erawh man tur a awm fo niin a sawi a, hengah pawh hian Young Lai Association chuan an thawhhlawk hle a ti.
Tun dinhmunah Excise & Narcotics Station Lawngtlai ah hian thawktu mi sawmpakhat an awm mek a, Lawngtlai District a zauvin, ramdang nen ramri thuitak nei a ni bawk nen, [The Lawngtlai Post] Chanchinbumite chuan an chetveldan leh thawktu awmzat khaikhin thawktute chu an indaihlo viau tih an hmuhpuiin, thawktu tamzawk awmtheise an duh thu an sawi.
Tags
News