Ni sarih an zawn hnuah Mualbu 'L' mibo, Pu J.Thansiama chu a nawlpuia zawn tihtawp ani.

Thla hmasa February 27 chhunlai vel atanga chin hriatlohva bo, Lawngtlai District chhung, Mualbu ‘L’ a mi Pu J. Thansiama kum 68,Pi Lalveli pasal chu khawtlangin theihtawp chhuaha an zawn hnu ah a Ni sarihna vawiin khan a nawlpuia bo zawn chu tihtawp a ni.

Pu J. Thansiama hi a bo tih khawtlangin an hriat ve leh a bo Ni tlailam atang hian zawn nghal niin, Mualbu ‘L’ khawtlang bakah Chawngte leh a chhehvel a mitlawmngai thahnemtakin mibo hi zawng mahse, vawiin a Ni sarihna ah pawh hmuh a la nihloh vangin a nawlpuia mibo zawn chu tihtawp a ni ta a ni.

Pu J.Thansiama hi a nupui leh a fapa te pahnih nen a khawsa niin, a bo lai hian Pu K.Thansiama hian Poler rawng thimlam deuh  leh Kekawr tlawn a ha a, a mah lo hmu emaw, a awmna chin hria chuan Village Council, Mualbu L’ hriattir turtin an ngen.

Mualbu ‘L’ Village Council chuan Mibo zawnpuitute leh tanpuina hrang hrang petute chungah lawmthu an sawi.