Lawngtlai leh Siaha a Ar vulh tura thlan mi 100 Training neihpuiin, Ar note leh thildang pek an an ni.

Vawiin khan YLA Hall, Chawnhu, Lawngtlai ah Tribal Sub Plan hnuaia hmalakna kalmek ah ICAR Kolasib bultumin, KVK, Lawngtlai leh Siaha leh AH&Vety Department tangho ten, Ar tuitamchi, Raibow Rooster vulh tura thlan te tan Training buatsaihin, Ar enkawl nana mamawhte an sem.

He hun hi Dr.Blessa Sailo, Senior Scientist, ICAR Kolasib chuan kaihruaiin, Dr.Lalhruaipuii Senior Scientist, ICAR Kolasib chuan, Tribal Sub Plan hnuai ah Arvulh a tui mite tan kawng a inhawng chu a vanneihthlak hle a ti a, Arvulh tura thlante chuan mithiamte kaihhruaina ngaipawimawh tur leh taima taka, tihtak takna nen hmala turin a chah.

DVO, Lawngtlai Dr. Lalmuanpuia Samte bakah KVK Lawngtlai leh Siaha hotute pawn thu sawiin, kuthnathawktute tan Sorkarin kawng hrang hranga an mahni dawmkan nana hma a lak thin chu a chhawrtu lamin a hlawhtlin nan theihtawp an chhuah a ngaih thu an sawi.

He Training ah hian Ar enkawl nana pawimawh hrang hrang te Dr.Lalthanzuali leh Dr.Blessa Sailo ten an sawi.

Lawngtlai leh Siaha  a Arvulh tura thlan mi 100 hnen ah Ar note, Ar chaw leh Tuipekna bakah damdawi a thlawn a sem a ni.