Lawngtlai West MLA in Case a neih a hrelo. Anticipatory Bail lak a tumlo.

Lawngtlai West bialtu MLA Pu C.Ngunlianchunga chuan Assembly BUdget Session neihzawh takah Chief Minister in Anticipatory bail latura a tih chu a lakdawn loh thu leh thubuai a neih a la hriatloh thu a sawi.

Pu C.Ngunlianchunga hian vawiin khan Lawngtlai thlengin, Lai District Congress Committee buatsaihin Areopagy a  Vantlang inkhawm neih ah Pu C.Ngunlianchunga chuan Lawngtlai khawpui helna tur kawngpui sial a nihtheih nan a hmalakna bultanna chu Lai Autonomous District Council a Chief Executive Member a nihlai a ni tih sawiin, Lawngtlai West bial ah MLA  atan thlantlin a nih vangin Lawngtlai By Pass Road hi a khawihzuiloh thu a sawi a. Minister a nih hnuah a ram neitute chu an ram a tihchhiatturah zangnadawmna pektheih a nihloh vanga tlawmngaih chhuahtura ngenna ah erawh theihtawp a chhuah thu a sawi.

Assembly Session ah Chief Minister in Thubuai a neih thu a sawi chu Thubuai nei ni a amah an sawina a vawikhatna hriatna a nih thu leh vawiin thlengin ACB atangin emaw hmundang atang pawn thubuai a neihthu a la hriatloh thusawiin, a chungah engpawh thlengse Anticipatory Bail lak a tumloh thu leh LungIn tan ngai a nih pawn dikna humhimturin a thisen far tawp thlenga a beihtur thu a sawi.

Vawiina Vantlang inkhawm neih ah hian Lai DCC hruaitute bakah MNF District Hqrs. Lawngtlai hruaitute leh MDC te pawh an tel.