Dr.Lorrain Lalpekliana Chinzah, Adviser to CM hovin, Lawngtlaiah Chapchar Kut hlimtakin hman ani.

Mizoram hmundanga Chapchar Kut an hman rualin Lawngtlai ah pawh DC Office tualah Kut Pa,.Adviser to Chief Minister Dr.Lorrain Lalpekliana Chinzah hovin hlimtakin hman a ni.

Kut thlengtu Lawngtlai DC Pu Cheemala Siva Gopal Reddy chuan Lawngtlai District mipuite Chapchar Kut chibai bukin hlimtaka Kut hmang turin a sawm a, Lawngtlai District chu hnam hrang hrang inchenpawlhna a ni a, lungrualtaka mahni hnamzia leh thuamte an chhawmnung chu chhuanawm a tih thu a sawi.

Kut Pa, Dr.Lorrain Lalpekliana Chinzah chuan mipui te Chapchar Kut chibai bukin duhsakna a hlan a, Chapchar Kut chu loneitute pual a nih vangin, Lawngtlai District a loneitute duhsakna hlanin, an hnathawhrah hlawk leh hlim taka an seng a duhpui thu a sawi.

Dr Lorrain Lalpekliana Chinzah chuan Zofate nunah hawihhawmna chu intuhnghet tlat a ni a, vawnnun reng a tul tih sawiin, Zofate chu hnam tlem nimah ila hnam lian zawkte pawn min chimral maitheihlohna chhan chu nunzemawi tak kan neihin min phuarkhawm vang a ni a ti.

Lawngtlai a Chapchar Kut hmanna ah hian rampum huap zaithiam leh tualchhung zaithiam te an zai a, hnam lam leh hnam ziarang pholang thei lam leh lemchante entir niin, Chapchar Kut Littrle Miss leh Mister bakah Chapchar Kut Miss thlan a ni.