Lai Autonomous District Council a Chief Executive Member atan vawiin khan Paithar bialtu MDC, ZPM hruaitu Pu V.Zirsanga chu Lawngtlai DC, Pu Cheemala Siva Gopal Reddy chuan LADC Hall ah rinawmna thu tiamtirin a lalut, CEM atan Pu V.Zirsanga lakluhtur hi MNF Thalai leh Congress thalai chuan an duhlohzia an lantir.
CEM lakluhna hi LADC a Executive Secretary Pu K.Lalthanzara'n kaihruaiin, CEM atan lakluh a nih hnu ah Pu V.Zirsanga chuan a mimal taka Politician zingah beih tawk nasa ber a nih hial a rin thu sawiin, tuna a thahwpuite chu hun hmasalam ah pawh amah beitute an nih thu a sawi a, hetichung hian Pathian chuan inremlote karah inremna siamtu atan amah chu a hmang ni a a ngaih thu sawiin, LADC Sorkar term tawite la awm chu Kalphungthar a kaihruaiin, ram in hma a sawntheih nan theihtawp an chhuahtur thu a sawi.
Pu V.Zirsanga chuan eiru a amah an puhna chu Court sang zawka thlen a nih thu leh tun dinhmun ah chuan eiruk leh rukloh chungchangah engmah thu tihchian a la awmlo a ti.
Pu V.Zirsanga chuan a thawhpui atan Pu Manghmunga Chinzah Dy CEM a ruat thu puangin, Executive Member atan mi pathum,Pu K.Hre Kung, Pu Lallawmsanga Apetow leh Pu L.R.Dingliana Chinzah te a ruat thu a puang bawk.
Pu V.Zirsanga CEM atan lakluh a nihhma hian MNF Thalai leh Congress Thalai ten LADC Gate ah, hminghliauna nei ram hruaitu atan an duhloh thu aupuiin, thuziak an kenga, CEM tur leh a laluttur Lawngtlai DC chu dan tumin pungkhawm mahse, heng mipaiwmahw pahnih hian kawng dang atangin LADC Hall hi an pan a, harsatna thleng a awmlo.
MNF Thalai leh Congress Thalai te chuan vawiin vek khan Lawngtlai Press Club ah Thuthar thehdarhtute kawmin, Chief Minister in LADC ah ZPM Sorkar a dintheih nan tumah an thlemloh thu a sawi chu mak an tih thu leh MNF leh INC a MDC te chu thlemloh a hlei an neilo tih sawiin, tuna CEM nita pawh intiamkamna eng eng maw nen Chief Minister hian a thlem tih an sawi.
Tags
News