Nimin tlai khan KVK Chawnhu, Lawngtlai Conference Hall ah Scientific Advisory Committee, Lawngtlai District chu an Chairman Pi Ramdinliani, Special Secretary, Agriculture & Farmer Welfare Department kaihhruaina hnuai ah neih ani.
Pi Ramdinliani chuan KVK hmalakna chu fakawm a tihthu a sawi a, mithiamten nguntaka an enchhina, kuthnathawktute tan hmalakzuina tlak an chhawpchhuak thin chuan nasa takin kuthnathawktuten an tangkaipui hle a ni a ti a, Mizoram a KVK pasarihte chu State Sorkar enkawl an ni a, thawktute pawh mahni hnam tawnga biak theih an nih deuh vek vangin Kuthnathawktute nen thawhdunna ah kawngro a sunasa hle a ni a ti bawk.
Meeting ah hian Dr.C.Lalfakawma, Senior Scientist & Head, KVK, Lawngtlai chuan kum kallai 2024-25 chhunga KVK, Lawngtlai hnuaia Kuthnathawktu dawmkan nana hmalakna hrang hrang an neihte a sawifiah a, hmalakna hi hlawm hrang hrang pali hnuaiah Scheme leh Project thahnemtak awmin, an hmalaknate chu Kuthnathawktuten an chhawr tangkai hle niin a sawi.
Scientific Advisory Committee ah hian KVK, Lawngtlai hnuaia Subject Matter Specialist ten kumthar, 2025-26 a hnathawhtur leh hmalakna tur hmachhawp an neihte ansawifiah a, heng ruahmanna awmte hi Committee chuan a pawm.
Scientific Advisory Committee ah hian State leh Lai Autonomous District Council a Agriculture leh a kaihhnawih Department hotute bakah he Committee a telsa member dangte leh Kuthnathawktu thenkhatte an tel.
Tags
News