Vawiin khan Mizo National Youth Front, District Hqrs. Lawngtlai leh Lai District Youth Congress Committee chuan Lawngtlai Press Club ah Thuthar thehdarhtute an kawm.
Party pahnih Thalai ten Press Statement an siam ah hetiang hian an tarlang.
Chanchinbu mite kaltlanga Zoram Mipui hmaa LADC sorkar dinglai United Legislature Pary (ULP) namthlu a, awm leh mawi pawh thlu lova ZPM Sorkar a din theihna tura Mizoram ZPM Sorkar thil tih dan leh rorelna chang tura a thim a var pawh thlu lova sorkar thuneihna hmang leh an thutiam bawhchhiaa an chet dan te, Mizoram mipui hriatah puanchhuah a tul tlat mai a. Thudik kan puanchhuah hi Zoram mipui ten kan sorkar (Mizoram Govt) kal lai, kan tehfung pawimawh a kan hman te pawh a that ka ring. Thudik puangchhuak tur hian a diklo lai tarlan a tul miau avangin mimal inhuatna/Inselna a nilo tih leh Party a pawng a pui a chirthehna ani ngawtlo tih ka sawi duh bawk a ni.
Mizoram Assembly sesion ah khan kan MLA Leader of Opposition leh Congress MLA Pu C. Ngunlianchunga te khan tuna LADC sawrkar inthlak chungchang an sawi ah khan Chief Minister Pu Lalduhawma khan chiangkuang tak sawiin 'LADC a sawrkarna siam tur hian eng pressure mah kan siam lo, kan party a lo luh an duh a, keini chuan lawm takin kan lo dawngsawng mai a ni' a ti a nih kha. Hetiang taka CM dawt sawi thei kan nei hi a vanduai thlak hle a ni. Thu dik chu hetiang hi a ni.September ni 13, 2024 ah khan CM ngei hian amah Pu V. Zirsanga hi phone a bia in, a Office ah ko chhovin "Pu Zir, I hova LADC a sawrkarna siam ka duh a ni " tiin a lo sawm daih tawh a ni. Sawrkarna a siam a nih chuan a personal thil bakah Provincialise School 18 LADC kuta hlan te, Ngengpui Wildlife Sanctuary te leh Phawngpui National Park te LADC kuta hlante leh Officer post 20 dawn lakna tur permission pekte bakah CEM Bangla tur SASCI hmanga thawh nghal tur te Pu V. Zirsanga nen an in dawrnaah hian a lo tiam daih tawh zawk a ni. He thu hi Dt. 10.2.2025 zana Pu V. Zirsanga in a MDC 10 (MNF Legislature Party member te) va leng hnena a sawi a ni a
Tin, ani chauh nilo hian LADC a sawrkarna siam tumin MLA Dr. Lorrain Lalpekliana Chinzah te, Minister Pu PC. Vanlalruata te leh Adviser to CM Pu Lalmuanpuia Punte te pawh lo kalin kan MDC te an thlem a, mahse an hlawhchham rih thu Press Meet neiin ZPM party Office ah ngei an sawi a nih kha. Heti taka sawrkarna siam tur hma an la a, pressure an siam chunga engmah pressure kan siam ti a house a a sawi ta mai hi mak kan ti a ni. Lawngtlai East bialtu MLA Dr. Lorrain Lalpekliana Chinzah pawhin Lawngtlai a thut chilh meuh in sawrkarna siam tum hma a la ani tih hi Lawngtlai District mipui zawng zawng hriat a ni a. Hetiang taka hma la nasa si hian thudik sawi ngam lovin House dawt a hrilh ta mai hi a vanduaithlak tak zet a, Kalphungthar zinga lang sar ber chu dawt a nih zia a pho lang chiang hle a ni.