KVK Lawngtlai hmalakna a Dawnfawh chin, Adviser to CM hovin seng ani.

Lawngtlai East bialtu MLA, Adviser to Chief Minister, Dr.Lorrain Lalpekliana Chinzah chuan KVK, Lawngtlai hmalakna chhuanawm a tihthu a sawi.

KVK, Lawngtlai ten  National Initiatives on Climate Resilient Agriculture Project hnuai ah Lawngtlai bul Tuiphal zauva Kuthnathawktute Dawnfawh an chintir chu nimin (February 13, 2025) khan Adviser to Chief Minister ho hian sengtan a ni a, Dr.Lorrain Lalpekliana Chinzah chuan sik leh sa inthlak danglam nasa chu kuthnathawktuten an tawrh nasat vanga, an inherrem theih nan a KVK mithiam ten kaihhruaina thatak nen kuthnathawktute an enkawl chu chhuanawm a tih thu sawiin, Lawngtlai District a kuthnathawktu ten KVK mithiamte behchhana hna an thawk thin chu uar deuh deuh tul a tih thu a sawi.

Tuiphal zau-va Dawnfawh sengna ah Adiviser to Chief Minister hi Dr.C.Lalfakawma Senior Scientist & Head, KVK, Lawngtlai leh Horticulture Department hotute leh thawktu dangten lo dawngsawngin, Lai Autonomous District Council a MDC pathum Pu L.R Dingliana Chinzah, Pu V.Zathanga leh Pu Lallawmsanga Apetow ten Adiser to Chief Minister hi an tawiawm.

Dr.C.Lalfakawma NICRA project hnuaiah  Poly mulching cultivation of Water melon chu kumdangah pawh hlawhtling takin an lo kalpui tawh tih sawiin, kuthnathawktuten KVK kaihhruaina thataka zawmchunga hna an thawhpiahlam ah hlawk zawka thlai an tharchhuak thin chu thil lamwawm tak a ni a ti a, ram hruaituten an hnathawhte a hmunah an hmuhpui thin chuan anmahni ah pawh phurna nasa taka a siam thin thu a sawi.