.jpeg)
Nimin Inrinni khan Central Institute of Hindi, Regional Centre, Shillong leh LADC hnuaia Education Dept (Middle School) Hindi Wing tangkawpin an buatsaih Refresher Course training Programme chu khar ani. Karhnih chhung awh he training hi Dt. 20 Jan atangin tan niin nimin khan khar a ni a, Kharna hi Pu Thansiama, Dy. Secretary, LADC in Khuallian niin a hmanpui.
Khuallian Pu Thansiama chuan Hindi chu India ram tawng hman uar ber a ni a, Hindi tawng chu India ram min ti pumkhattu anih angin Lai mipui te hnenah pawh zirtir uar deuh deuh turin a chah a.
Khuallian chuan hetiang training hi C.I.H, Shillong ten kumtin buatsaih thei se tiin Shillong lama Programme coordinator chu a ngen a, He inkhawm kaihruaitu Pu Alex Lalzawmpuia chuan Resource Person atan Siaha atangin lokal Dr.VR. RALTE, DAVID AZYU te hnenah lawmthu a sawi a, Trainees ten rilru leh thinlung takin training an zawh theih avangin lawmthu a sawi bawk.
Dr.Mayank, Programme coordinator, CIH shillong chuan Mizoram nuam a tihzia leh LADC hotuten an lo lawmnaah lawmthu sawiin, Chief Guest leh Resouce person te hnenah CIH Shillong aiawhin ngaihhruina thilpek a hlan.
He Refresher course hi Hindi Teacher 68 in a tawp thlengin an nei thei a, Hindi teacher trainees te pawhin an hlawkpui hle tih an sawi.