Lawngtlaia High School Naupang tan On Spot Drawing Competition buatsaih ani.

  Vawiin (3.02.2025) khan District Legal Services Authority, Lawngtlai leh District Education Office, Lawngtlai te chuan Lawngtlai khawpui chhunga High School zirlai naupang te tan 'On Spot Drawing Competition', Government High School, College veng, Lawngtlai ah an buatsaih.

Pu C.L Rikhuma, Head Master in-charge, College Veng High School chuan kaihruaiin, Bawlhhlawh sawngbawl dan tha zawk rilrua nei chunga lem ziak turin naupang te a fuih a.  Pu C. Lalremsanga, JMFC, Lawngtlai District Court pawhin thu sawiin bawlhhlawh sawngbawlna kawngah Lawngtlai mipui ten hmasawn zel kan mamawh thu leh,  Zirlai naupang te chu an mahni bakah, an chhungte leh thiante bula bawlhhlawh, a paihna hmuna paih chungchangah zirtirtu ni tur leh mite tana entawn tlak ni turin a fuih.

       He competition ah hian naupang 67 an tel a ni. Lawmman 1-na : Rs. 5,000/- Lawmman 2-na: Rs. 4,000/- Lawmman 3-na: Rs. 3,000/- pek an ni dawn a, Result hi February 7, 2025 ah puan a ni ang.