MJA, Lawngtlai District, Annual Conference, CEM, LADC hova hman ani.

 Vawiin khan Mizoram Journalists' Association, Lawngtlai District chuan Lawngtlai Press Club ah Annual Conference an nei a, LADC a Chief Executive Member Pu C.Lalmuanthanga'n a hmanpui.

Pu C.Lalmuanthanga chuan ram changkang zawkah Journalism a Degree ṭha taktak nei ten Journalism an luhchilhlaiin, Mizo Journalist zingah Degree chhuanawm tak tak nei an awm nual tawhlaiin, hetiang lama behchhantur neilo Journalist ten felfai leh fimtaka Chanchinthar thehdarh hna an thawk chu entawn tham inga a hriat thu a sawi a...

Chanchinbumite chu theihtawp chhuaha tang sauh sauh tura fuihin, Chanchinbumite tellovin ram a kaltheilova, an pawimawhna hriaa, entawntlaka an hna thawkturin a chah.

MJA Lawngtlai District Annual Conference ah hian Resolution pakhat, Lawngtlai District a Raltlan leh thenawm rama bungrua lut leh chhuak hi ram himna thuitak thlir chungin Sorkarin ruahmanna tha zawk siam se, tih an passed chungchang CEM chuan sawiin Thenawm rama bungrua lut leh chhuak ah LADC thuneihna pawnlam a nih thu CEM chuan sawiin, hmalakmek a ni a ti a, Raltlante zalen lutuk pawh District Administrtion lam ah LADC chuan awmze nei zawka kalpui tura an ngen thu a sawi bawk.

Annual Conference hmanpuitu MJA Gen Hqrs a General Secretary Pu K.Zothanpara chuan LADC sorkarin Journalist te a duhsakna ah lawmthu a sawi a, Lawngtlai District a MJA ten  mahni hna ah chianga, rimtaka an thawk thin chu entawn tham tling a tih thu a sawi bawk.

Dist MJA President Pu Elvis Lalthangzuala chuan Print Media hi hniam ta riau a ngaihna awm thin mahse, mipuitling leh chikmite ah erawh a hlutna hi a tlahniamlo a ti a, Lawngtlai District chu Sorkar pahnih, State leh Autonomous District Council awmna a ni a, Journalist te nen thawhhona thatak an neih chu chhawm nunzel a duh thu a sawi.

MJA Lawngtlai District Annual Conference a khuallian hi LADC a Executive member pali Pu C.Hrangthianga, Pu JB Vanhoy, Pu HC Lalthawmliana leh Pu L.Daniala ten an tawiawm bakah, Gen Hqrs atangin hruaitu pathumin an telpuia, State leh LADC a Information Officer te an tel bawk.