.jpg)
Democracy ramah Sorkar dinglai paihthlak hi thilthar a nilova, Democracy in a kentel langsar takpakhat a ni hialin a rinawm.
Abikin Mizorama Autonomous District Council ah Sorkar paihthlak leh hruaitu thlak ang chite a thleng fova, Politics inlumlet dan chhut mumallote chuan hetianga ram rorelna a inthlak hian mahni leh mahni indem chiam mai a awl thin.
Democracy ram ah chuan mipuiin an aiawhtura an thlantlin te hi an lalbera, an ni ho chu Sorkarna siamtur pawn thiltitheitute an ni.
Thiltitheituten an thiltihtheihna lantira, an dinchan ve theihnatur an dapna ah, chhan mumaltak awmlo chuan mipui aiawha thlante meuh chu an chechhuaklo tura ngaih a ni a, anni an chetchhuah chuan anmahni thlangtlingtute duhdanin an chechhuak thin ah ngai ila, apawm a hahdam ang.
LADC a Sorkar nghing chhomekah pawh Kalphung thar zuartuten kalphung hlui hmangin kalphung thar ah mipui hruailuh tumin tan an khawha, thil reng reng hi a awmsa thlak veka,kawngdik zawh mai hi a harsat chang a awm thin, kalphungthar zuartute pawn ramtha zawka mipui chuankaipui tumin, chu kawng zawhtur chuan kalphung hlui tlem an zawh hmasa niberin a hriat.
Sorkar hi an tum anga a inthlak thei a nih ngat chuan, hnehna tumkau chawi nghallovin, an hnathawh ah mipuilamin chawimawina an hlan theihtura an beih chu thiltih ngei tur a niin a rinawm.
Democracy ramah chuan mipuiin an thlante an lalbera, an hawilam chu mipui hawilam ah ngaihtheih a ni a, a mipuilam lo buaive chiam aiin, ansukthlek lo thlir maihi mipuilam tihtur a ni awm e.