.jpg)
LADC tangkaiziate, Lai Hnam, Hnam ani tih lanfiahna pawimawh tak a nihna te, LADC vanga hamthatna mipuiin an dawn zozai hi sawisen a nilovang.
Hman atangin vawiin thlengin, Sorkar kal mumal theilo, Sorkar dinglai paihthlak, thuneihna inchuh leh thil dang dang LADC Sorkar ah hriattur leh hmuhtur a awm thin a, Politics khelmual a nih miau vangin khingte khi thil thleng tur rengah ngaih a nih pawn a sual lemloh rualin, a thleng zing lulai lutuk hian thiltha duhna lam aiin, mahni dinchan tumna leh thuneih chak hrim hrim vanga thleng, ram mipuitan awmzia nei thui lemlo a nih rinhlelhna mipuiah a lian chho viau tawh a, Sorkar inthlakah pawh Politician te ngaihhlutna aiin, ngaihsanna an neih a tlakhniam phah hret hret in a hriat tawh.
Tunah pawh LADC a ULP Sorkar chu a nghing leh deuh ni a sawi a tam viau a, Sorkar dinglai paihhtlak duhna hi mipui nghawng thil, hmasawnna hnathawhah Sorkar dinglai a hlawhchhama, inrelbawlna a mumallova, mipuiin a tawrh nasat vang emaw a nih lemloh chuan ninawmlamah a kal tan titih der tawh mai hi a siamtha theitu chu Politician te hi an ni.
Sorkar paihthlak a nih hian, a hma mite aia thain ram kaihhruaina ah hnuhma hmuhtur a awm tam thin lova, heihian mipui a tibeidawng a, Sorkar dinglai paihthla thei aiin, ram mipuite hmakhua ngaia, Sorkar paihthla theitute pawn hnam hmelah belmang tahbelhtu nih hlauva ngawih an chuhngam a tul in a hriat.
Kan sawilai hi Party Politics a inchiah velo tamtakte ngaihdan niin a hriat a, tuna Sorkar dinglai pawh hian an nih ang ang hian an hun hi hmangzose, chu chu kan vaia mawina a ni ang.