.jpg)
Tunhnaia MJA Lawngtlai District Annual Conference neih ah, ram mipuite himna thuitak thlir chungin, Lawngtlai District a raltlante leh thenawm rama bungrua lut leh chhuakte Sorkarin kaihhruaina mumal zawk siamse an duh thu Resolution siamin an passed a nih kha.
An Resolution passed hi ngaihtuahzui tham a awmin a rinawma, Raltlanbikah chuan tuna an awm ang ang hian awmse, thuawi takin awm maise, han tih ngawtte hi an mahni lainatna atang chuan tihawmtak pawh a nih rualin, enkawlna mumalpawh Sorkarin a neih hleihtheihloh ramdangmi lo enkawl ngawt hi mipui lam mawhphurhna a ni hauhlo tih a chianga, khawilaiah emaw hmunkhat ah an awmkhawmna ruahman tumnate pawh a ri vuai vuaia, thilthatak ni a ngaihtheih a nihrual hian, tuna an darhsarh chung pawn buaipui tham, hun loawmzel tur atan ram mipuite himna tiderthawngtheitura ngaihtheih an nihna zawn atang chuan, ekawl ngaihna hriatloh luatah, bei tih dawn tumnate pawh a ang lek lek maithei.
Thenawm rama bungrua lut leh chhuakah pawh kaihhruaina mumal awmloa kalpui ngawt mai hi a himber lova, Lawngtlai khawpui chu ramdangmite zalen taka an chettlatna ah a chhuak chhomek a ni ber.
Heng thilahte hian NGO emaw, Kohhran emaw, mipui mawh emaw a nilo, LADC a CEM chuan an khawihtheih a nihloh vangin a titheitute hnenah hmalatura an ngen thu a lo sawitawh a, Sorkar hian tun aia himzawk, hmalam thuitak thlir chungin hma a lak MJA Lawngtlai ten an duhna hi a tipuitling turah ram mipuiten an ngai ngeiin a rinawm.