Lawngtlai khawpuia Middle School zirlaite tan On Spot Drawing Competition buatsaih ani.

Vawiin khan District Legal Services Authority, Lawngtlai leh Elementary and Education Office (Middle School), Lai Autonomous District Council, Lawngtlai te chuan Lawngtlai khawpui chhunga Middle School zirlai naupang te tan 'On Spot Drawing Competition',PM Shri Model English School, Vengpui, Lawngtlai ah an buatsaih a, Zirlai 111 an tel.

Pu B. Lalchungnunga, Principal, PM Shri Model English School in kaihruaiin kaihruaiin, Pu H. Lalmalsawmsanga, Education Department, LADC aiawh leh Pu C. Lalremsanga, JMFC, Lawngtlai District Court ten thu sawiin, khawvel lo changkang zelah faina leh bawlhhlawh sawngbawl kawngah Lawngtlai mipui ten hmasawn zel an mamawh thu leh,  On Spot Drawing Competition a tel zawng zawng te chu bawlhhlawh paih leh sawngbawl kawngah midang zirtirtu ni a, mi dang tana entawntlak ni turin an fuih.

He competition ah hian, 

Lawmman 1-na : Rs. 5,000/- leh certificate

Lawmman 2-na: Rs. 4,000/- leh certificate 

Lawmman 3-na: Rs. 3,000/- leh certificate pek an ni dawn a , Result hi naktuk-ah High School zirlaite puala  On Spot Drawing Competition buatsaih tawh nen  puan  a ni ang.