Health Minister Pi Lalrinpui'in, LADC leh Central Young Lai Association Office a tlawh.

Lai Autonomous District Council a tlawhna ah hian Minister hi , Chief Executive Member   Pu C. Lalmuanthanga bakah Executive Member-te leh LADC Official  ten lo dawngsawngin, LADC CEM Conference Hall-ah inkawmho.

CEM Pu C. Lalmuanthanga chuan Minister in a  tlawh avangin lawmthu a sawi a Doctor indaih lohnate, Sub-Centre a thawktu ennawn chungchangte, LADC in project proposal a siamte enzui pui tur leh Tourism lamah hmasawnna tur ruahmante  leh pawimawh dângte lo sawipuiin, hmalak pui turin a ngen.

Health Minister Pi Lalrinpuii chuan LADC Sorkar chu Lawngtlai District mipuite tan theihtawp chhuah puiah a sawm a, an thu thlen leh mamawhte theihtawphhuaha lo bawhzui atum thu leh  hmalakpui  a tum thu a sawi a. District Hospital Lawngtlai tih changtlunte, Health Worker lak belhte, Lawngtlai District tan CT Scan dah tum a nih thute a sawi.

Tourism Minister chuan LADC chhunga Tourist Lodge-te LADC kuta hlanchhawn dan tur buaipui mek ani a, Autonomous District Council-te nen inrem taka hnathawh kan duh a, kan zavaia tana thawhho hi a pawimawh, sawrkar hmalakna  turah in enhranna a awm lo, a ti a, Ruihhlo do kawngah LADC Sorkar chu hmalakpuiturin ah a sawm bawk.

LADC mipawimawhte nen an inkawm zawh hian Health Minister chu  Central YLA Office ah lengin, Central YLA President Pu F.Lalrothanga leh hruaitu dangten an lo dawngsawnga, Central YLA hruaitute chuan District Hospital a hnimhlum Doctor dah a tul thu te, Bungtlang South Doctor chu Specialist a zir vanga a aiawh dah turte, Ruihhlo ngaite enkawlna tihlen a tulthute Health Minister hnen ah an thlen bakah Central YLA hnuaia ruihhlo dotu Drug Reduction Squad te hnathawh Minister hi an hrilh.

Pi Lalrinpuii chuan Doctor indaihlohna chu Sorkarin a hriatthu leh tunmaiah Doctor dahtur an awmloh thu leh remchang hmasa ber ah Lawngtlai District chu ngaihpawimawh a nih tur thu a sawi a, Ruihhlo do na ah YLA te hnathawh chu ropui a tihthu sawiin, Lawngtlai District chu a biktaka ruihhlo do na ah pawh enbinga, duhsak theihna laiah duhsak tul a tih thu a sawi bawk.

Tourism Minister chuan Chhimtuipui a Lungmak chu a tlawhtute tan a awlsam zawk nan Hruitezawl Lawngtlai atang leh Siaha District lam atangin kawng sial tum a ni a ti a, Central YLA ten Kawrthindeng atanga Lungmak pawh tura kawngsial an rawtna chu lo enzui a tumthu a sawi bawk.

Health Minister-Pi Lalrinpui hi Pu Lalmuanpuia Punte MLA leh T. Lalhlimpuia MLA ten an lo tawiawm.