Lai Autonomous District Council chuan vawiin khan inhlantharna hun neiin, LADC Office pui Lawngtlai leh Division leh Sub Division ah te Kumthar tan inhlantharna hi neih a ni.
Lawngtlai a LADC Office pui a inhlantharna hi CEM Office tualah neih niin, Pu K.Lalthanzara Executive Secretary chuan a kaihruai a, Chief Executive Member Pu C.Lalmuanthanga chuan LADC hnuaia thawktute kumthar chibai bukin duhsakna a hlan a, Sorkar kum kalmeka LADC Sorkar hmalakna hrang hrang sawiin, LADC in Budget a neih atangin za a sawmkua chuang chu thawktute hlawh leh Sorkar enkawl nan hman a ni a, mipui chanvo tamlo viau mahse, a theih anga daihzai leh rualkhai turin kalpui a ni a ti a, LADC Sorkar chuan Kuthnathawktute dawmkannan theihtawp a chhuah tih a sawi a, LADC a Information & Public Relations Department chu hmanrua thazawka thuam chhoh a nih thu leh an thawhrah hmuhchhoh nghalzel a ni a ti a, Revenue Department chuan Digital Land Record a kalpui thu a sawi a, Online Tax payment pawh kalpui tan a ni a ti, Nungcha leh ramngaw humhalh leh siambelh kawngah theihtawp chhuah reng a ni a ti.
Pu VL Hmuaka, Chairman, LADC pawn thusawiin, Lai ram leh hnam tana thawktu tak tak chu LADC hnuaia thawktute zawk an ni tih sawiin, thahnemngai taka thawkturin a chah. Chairman chuan Sorkar fawng vuantute ah pawh rinawmna neih tul a tih thu a sawi a, ram leh hnam tana thalo tura phe phe kual thin leh an kaldan diklote chu ram leh hnam hmangaihna thinlungpuin, LADC hnuaia thawktu zawk ten zilhhau hrehlo turin a chah bawk.
Inhlantharna ah hian Rev A.Khawlrimawia chuan hunserh hmangin, LADC hnuaia thawk chatuanram pante sunna hun hman niin, he huna telte ram tan a huhovin an tawngtai bawk.
Tags
News