.jpg)
Smartphone hum ten, Lawngtlai By pass Road a Tlakdal (Parapet) siamdan thalo an pholanga, a pholangtu te an Smart in, Smartphone humtlak an ni.
Lawngtlai mai nilo, Mizoram pum leh State pawn thlengin a darh nghala, rangtakin hmala theitu leh hmalak tultiten an bawhzui nghal sup sup maikha a lawmawm takzet.
Kha thilkha haichhuah nilo tase, khatia kutlawng pawha kheuh bal theih mai khan chetsual palhna thlengse awmzia a neihtlem danturte, duhdah lutuka hnathawh a ni kha Mipui zahlohna a ni tih a fiah viauin a hriata, siamthat vek nise a duhawm rualin, khatiang khawpa mipui zahlo leh midang himnatur siamtuten, an himna tur aia fur ruahsur pawhin a nan darh maitheih mai rinawm hial khawpa hna an thawk duh kha, he hna thawkzui tlak hi an nih a rinawmlohva, an lakah rinna nghahngam a har ngawt ang.
Thil a nihdantur anilo tih haichhuah a nih hian, siamtha rawh se, tih piahlamah hian, dan hnuaiah fimtaka hmalak zui ni thinse, tuna Lawngtlai By pass Road a Parapet siamtute pawh hian midang nunna chhanhim nana an hnathawh hi, midang nunna chhanna tur a ni tih hrereng chunga khatiang khawpa hna an thawk chhe mai khan hremna engemaw tal chu tawrh ngei an phuin mitamtak chuan an ngaih a rinawm.
Hmasawnna hnathawhte hi Mipuiin an vil reng theilo, ban khur te, lungremte, kawng siam leh a dangte hi a hmunah tuman, an thawkthalovang tih hlauvin an vil theilo, Hnathawktu zawk ten mipui tana thawk an ni tih an hreduh miahlote, hrereng chunga hna chhe lutuk hnutchhiah ngawt maite hi veitham a tlinga, midangin Lawngtlai District ah hnachhia an hnutchhiah tawhloh nan he Parapet hi bul nan hman a duhawm mange.