Kawnglaih bultanna hi Chandmary, Kanaan Veng Market Shed thlang ah neih niin Pu C.Lalmuanthanga chuan he kawng a taka laihtan a nithei chu lawmawm a tihthu a sawi a, LADC a United Legislature Party te thawhhona thatzia lanna a nih bakah, ULP Sorkar hnuaiah LADC sum seng lova kawngpui sial theih a ni tur chu thil lawmawm tak a ni a ti.
CEM chuan he kawngin a tihchhiattur ram neitute inpekna fakawm a tihthu a sawi a, Veng pahnih hruaitute thahnemngaihna chu chhuanawm a tih thu a sawi bawk.
Kawng laihtanna ah hian LADC a Executive Member pahnih Pu L.Daniala leh Pu Andrew Laltlanzara ten CEM hi an tawiawm bakah LADC a Vice Chairman Planning & Development Pu Laltlawmlova Chinzah leh Town Committee Chairman Pu C.Lalsawmzuala, Executive Secretary Pu K.Lalthanzara, Veng pahnih VCP leh Official te he hun ah hian an tel.
He kawng Chandmary atanga Electric Veng a chhuaktur hi, Chandmary,Kanaan Veng a Bazar Shed atangin Electric Veng IB Kawn a chhuaktura ruahman niin, Kilometres 2 vel a thuitur niin, National Higway 502A (Multi Modal kawng tia hriatlar) chungah sial a ni dawn a, alaih hna hi a thlawnin NHIDCL, PMPL leh ABCI ten an thawk dawn.