Pu C.Lalmuanthanga CEM in mipuite Krismas chibai bukin, Lawngtlaia hmunpawimawh bakah, a bial chhungah Krismas thilpek a sem.

Lai Autonomous District Council a Chief Executive Member Pu C.Lalmuanthanga chuan LADC mipui leh ramchhung leh rampawna Laifa awmte Krismas Chibai bukin duhsakna a hlan.

Pu C.Lalmuanthanga chuan Kristian te tan a hunpui pawimawh Chhandamtu pianchampha chu hun harsa leh khirh tak tak tawkte pawn hlimtaka hmang turin duhsakna a hlan a, he hunpui hi Krista hrereng chunga mitinin an hman a duh thu thuchah siamin a tarlanga, Krismas chu ram mipuiten chunglam malsawmna an hmuhletna hmanraw pawimawh tak a nih a beisei thu leh mipuite chu Pathian a innghat deuh deuh turin a sawm.

Chief Executive Member hian Krismas thilpek Lawngtlai leh a chhehvel a a pek bak ah a bial chhung South Lungpher leh Siachangkawn ah kum upa 87 hnen ah puanlum a pek bakah chhungkua 200 vel hnen ah Krismas chakkhai lamna tur pawisafai a hlan bawk.