Nimin khan Pu Cheemala Siva Gopal Reddy, Lawngtlai DC chuan Ministry of DoNER hnuaia NEC kaltlang a Bungtlang South - a hnathawh te enfiahin, 33 KV Sub- Station a tlawh nghal.
Pu Cheemala Siva Gopal Reddy chuan Ministry of DoNER hnuaia NEC kaltlanga hmasawnna tur hnathawh lo kal thin chu tha leh fel fai taka hman a tul hle a ti a. Ram leh hnamin kawng hrang hranga hma a sawnna tur a duan a nih angin, NEC kaltlanga hnathawhte chu endik fo a tul a, endik fo a nih tur thu a sawi.
DC chuan Multi-purpose Hall, Bungtlang 'S' sak zawh tawh chu a enfiaha Multi-purpose Hall, hi cheng nuai 40 seng a sak niin, ni 4.04.2024 khan sak zawh a ni a. Teacher quarters, Government Middle School, Bungtlang 'S' hi Rs. 32,83,170/- a sak niin, ni 2.02.2024 khan sak zawh a ni a. Government High School, Bungtlang 'S' a 'Toilet Cum Urinal' hi Rs. 11,84,538/- a sak niin, ni 6.04.2024 khan sak zawh niin, Basket Ball Court' hi cheng nuai 12 - a sak niin ni 4.04.2024 khan sak zawh a ni. Bawlhlawh sawngbawlna hmun hi Rs. 11,84,538/- seng a sak niin ni 6.04.2024 khan sak zawh a ni bawk.
DC hian 33 Kv Sub- station tlawh nghalin, 33 Kv Sub- station hian khua 80 vel a chawm mek a, Revamped Distributor Sector Scheme hnuaiah khua 13 ah kawlpetha pe tura hmalak mek a nih thu thawktute chuan an sawi.