Lawngtlai DC, Pu Cheemala Siva Gopal Redy hovin Sericulture Department, District Sericulture Office Lawngtlai ah Eri cut cocoon flag off prorgamme a hman ani.
Pu Cheemala Siva Gopal Redy chuan department in hma anlakna chu fakin hun reilote chhung a sum lakluhna tha tak Kuthnathawktuten ten annei thei chu lawmawm a tih thu leh hei aia nasa a tan la a Lawngtlai district chu Mizoram mai nilo India ram thleng pawh a silk cocoon thar chhuak tam ni theitur a chah in an hmalak zelna tur ah pawh puih an ngaihna apianga pui turin an inpeih thu asawi, hemi hnu hian silk cocoon te chu flag off niin, Pangang khawitu thenkhat leh Official ten an tawiawm.
District Sericulture Officer Pu Lalrammawia chuan kumin chhung a an cocoon thar chhuah te chu Directorate office Chaltlang, Aizawl ah an thawn phawt anga chumi hnuah phai lamah an hralh leh tur thu a sawi a kumin chu an bul tan kum chauh a ni chungin Cocoon quintal 3 chuang leh Buhchium quintal 20 chuang an thar thei chu lawmawm a tih thu a sawi a, Buhchium chu tualchhungah hralh akal thu leh farmers te sum lakluhna pui ber pakhat anih thu a sawi in Silk Cocoon an thar zawng zawng hlut zawng leh Buhchium hlut zawng chu nuaih 13 chuang anih thu sawiin Sericulture department chu ram economy siam thatnan a thil tha tak market ah buaina awm velo leh hun reilo te chhung a sum hmuhna tha tak anih thu sawiin farmers tamtak bul la tan ve theilo te pawh kumthar atang chuan bul tana, hei aia tam thar chhuak thei annih thu a sawi.