Lawngtlai AOC Veng bialtu MDC in Village Council hnenah Bazar Shed a hlan.

Lawngtlai AOC Veng bialtu MDC, Pu LR Dingliana Chinzah chuan tukin khan AOC Veng Village Council hnenah  Bazar Shed a hlan.

Bazar Shed hi AOC Veng huamchhung, KMMTTP kawngkam, MIZOFED in ram an hawhtir ah a dung feet 24 a vang feet 18 a sak niin, MDC Local Area Development Fund a bultan niin MDC Fund cheng Nuai 3 sing 5 bakah Lawngtlai West MLA Fund cheng Nuai hnih nen cheng Nuai nga, Singnga senral a nih bakah AOC Veng Village Council chuan engemawzat an senbelh bawk.

Bazar Shed hlanna inkhawm hi VCP Pu N.Lalrochharliana kaihhruai ah Bazar Shed hlantu AOC Veng bialtu MDC Pu LR Dingliana Chinzah chuan hmasawnna kalchhozel ah Bazar shed mamawhna a lian hle tawh a, hmun laili remchang tak mai MIZOFED lamin an hmantir chu lawmawm a tih thu sawiin, AOC Veng chu kawtchhuah pawimawh tak a nih chhohzel dawn vangin khawsak harsa zawk leh Kuthnathawktuten mahni intunnunnan Bazar Shed chu an hman a beisei thu a sawi a, AOC Veng ah Rotling tangkaitaktur hnutchhiah a ni chu Veng mipuite tanrualna rah a ni a ti a, a enkawlzui kawngah Veng neitu Village Council kuta hlan chu a duhber a nih thu a sawi.

Bazar Shed hlanna ah hian Pu Rohimliana'n MIZOFED aiawhin thu a sawi bakah khawtlang hruaituten lawmthu an sawi bawk.