DCF, Chhimtuipui Wildlife Division in Sanghal Awktu Rs.20,000/- a chawitir.

Deputy Conservator of Forest, Chhimtuipui Wildlife Division chuan tunhnaia Sanghal awktu chu Rs.20,000/- a chawitir.

Lawngtlai District, Mampui khuaa loneitu pakhatin, a thlam bul hnaia Thang a kamah tunkar Nilaini khan Sanghal a awk tih Forest Department lam chuan hriain an chhuizui nghal a, Sanghal awktu hnen atang hian Sanghal Sarep hrang 26, Sanghal lu leh a ke pathum mansak niin, he thu kalzel ah hian Deputy Conservator of Forest, Chhimtuipui Wildlife Division, Lawngtlai chuan The Wildlife Protection Act 1972 tlawhchhanin Sanghal awktu hi Rs.20,000/- a chawitir.

Sanghal sa an man te hi Deputy Conservator of Forest, Chhimtuipui Wildlife Division, Lawngtlai Office bul ah halral niin, nungcha humhalh kawngah mitinte tanla sauh sauh turin thawktute chuan an ngena, dan kalh chete hrem an nihtheih nan an mahni tanpui thintute chungah lawmthu an sawi.