Vawiin khan Lawngtlai District MJA hruaitute chuan District Transport Officer hmuin, a hrana Lawngtlai ah MVI dah theih a nih hmaa, mipui harsatna chhawk zangkhai a nih theihdan tur an sawipui.
Lawngtlai District MJA te hi an President Pu Elvis Lalthangzuala'n hovin, District Transport Officer Pi Margaret J.Vanlalremmawii chuan a hrana Lawngtlai thutchilhtur MVI dahtur an awm rihlo tih sawiin, Sorkar thuneitu sangah mipui harsatna sutkian a nihtheih nan a theih ang angin thuneitu sangah a thlen tih MJA hruaitute a hrilh a, tun dinhmun ah karkhat ah Ni hnih, Ningani leh Zirtawpni chu MVI Lawngtlai hna kawptu Siaha MVI chu Lawngtlai ah a thu thin tih sawiin, harsatna neuh neuh, kawphetha mumallo vangte Internet khaihlak vangten harsatna an tawk fo niin a sawi.
Lawngtlai District MJA hruaitute chuan Siaha MVI chu kartin Lawngtlai ah Ni hnih a thu chuan harsatna sukiang viau mahse, Office dawr laklawh, tihfel ngai zofel silo leh Lawngtlai a a thut chhungin harsatna dang thleng a awmtheih fo bawk vangin, thlakhat ah kar hnih / khat, kartluanin Lawngtlai ah MVI thutheise, chu chuan mipui harsatna sutkian leh MVI dawrtute tan awmzia a awm an beisei thu DTO hnen ah hian an thlen a, DTO Pi Margaret J.Vanlalremmawii chuan MJA te rawtna chu thuneitu sanga lo thlen a tum thu a sawi.
Lawngtlai MVI, Pu Joseph Lalthansanga Pachuau chu a kaisan vangin September 30, 2024 khan a hnathar zawmturin Lawngtlai a chhuahsan a, Sorkar chuan Lawngtlai ah MVI dang dah a nih hma chuan MVI Lawngtlai hna kawpturin MVI Siaha chu a ruat.
Tags
News