A thawhna Dawr rawktu a puh Arakan lam mi chu Lawngtlai thlenpui niin thu zawhfiah mek a ni.

Tarlan tawh angin Pathianni zana (September 22) Lawngtlai Chandmary veng a Emmanuel Store a thawk chuan Bank a pawisa dah tura dahhran chu Scooter hmanga tlanbopuiin, Thawhlehni zan dar 1:30 vel khan   Diltlang South ah man a ni.

Pawisa rutu hi nizan khan Lawngtlai Police Station thlenpui niin thu zawhfiah mek a ni a, hrittheih chian ah amah hi Maung U Myint (24) S/O U Mo Sein Aung,
Arakan Myanmar niin a insawi.

A pawisa ruk nen Scooter hmanga a tlanchhia chu Lawngtlai leh Mampui inkar ah a Scooter chu Petrol a zawh vangin a hnutchhiah niin a hriat a, hemi hnu hian Truck ah chuangin, a chuanna Truck hi  Diltlang South thlenhma Kilometre 1 vel ah Tuihawk luankawrah tlain, hetihlai vel hian Diltlang South Police ten nangchingin an man ta a ni.

The Lawngtlai Post in thu a dawn danin Police te hian an mi man hnen atang hian Rs. 7,59,700/- an hmulet.