LADC a CEM leh Assam Rifle hotu inkawm chuan venhimna leh mipui himna ah thawhdun tha an ti.

Vawiin khan Lai Autonomous District Council a, Chief Executive Member  Pu C. Lalmuanthanga leh  Assam Rifles Commandant, Lunglei   Col. Jaswinder Singh,te chuan  ram venhimna leh mipui himna tur chungchang an sawi dun.

Pu C. Lalmuanthanga,   chuan, Col. Jaswinder Singh, Assam Rifles Commandant, Lunglei in arawn tlawh avangin lawmthu a sawi a, kan ramin a hun tawn mek avang hian kan fimkhur tlan a ngai hle a, International Boundary hnaihah awm kan nih bakah kan unau raltlan engemawzat an awma, an ni ho behchhan hian thil thalo inzep a awm ve theih avangin, kan fimkhur a ngai hle tih Assam Rifle hotu hi a hrilh.

Col. Jaswinder Singh, Commandant pawhin, LADC  area chu International Boundary hnaih a awm a ni a, inkalpawh awlsam tak a nih bakah, Myanmar in buaina an tawh lai anih bawk avangin, mipuite an fimkhur angai hle a, mipuite nen ram venhimna kawngah thawhhona tha kan neih atul hle a ti.

CEM leh Assam Rifle hotu hian hmalakho danturte, ram mipuite an him zawk na atana rawtna awmte sawidunin, venhimna leh mipui himna kawngah thawhhona tha tak neih nise an ti.