Editorial || RALTLAN VANGIN INCHIMRALNA HI A HNAI VIAU THEI.

An sahimna zawnga minbeltute hi tutemahin lo hum duhlo an awmlo tih a chianga, heivang hian Raltlan pawh Lawngtlai District ah thahnemtak an awm mek.

Awmzeneia enkawl an nilova, khawtlang inrelbawlnate zawmturin khawtlang hruaituten an chaha, khawtlang, mipui lam chuan an tihtur hi an phak ang tawk chuan an tiin a hriat a, Sorkar hian hetia rawn lut apiangte hi tlawmngaithei khuate behchhana dahzel mai hi a kalpui chhunzawm chuan kan la buai phah viau ang tih a hlauhthawnawm, tunah pawh a thlengchho mek.

Lawngtlai District hian Myanmar nen ramri intawm KM 57, Bangladesh nen KM 148 chuang hret a neia, Myanmar a buaia, Bangladesh dinhmun pawh a tha lemlo, tlanchhe duhtan Lawngtlai District hi luhka remchang thatak a ni a, Myanmar bikah Chin State leh Rakhine lam nen ramri intawm a awm bawk, Myanmar a helpawl inngeih lemlo te Lawngtlai District chuan a thenawm ve ve tihna a nih chu.

Raltlante vanga buaina hi khawlaia tlangval thu inhmulo inhnialbuai vanga alh hluai ang chi aiin, heng Raltlante hi awmzenei zawka enkawl an nihloh chuan a ramleilung fate zawk hi kum a vei chhoh tam deuh hret chuan a tuartu ah an la tang chho thuaiin a rinawm a, chu chu a ni, hnamtin an hlauh inchimralna thlenna bul tur chu.