.jpg)
Kristiante chuan Lalpa’n petura a tih ngaipawimawhin thilpek pek hi an uar viaua, Kristian nilo Sakhaw dangah pawh sum tam tham tak tak chhunglut hriattur an awm a, a nihna takah chuan Pathian hian amatan a hranin sum a mamawhlo, amah zuituten rawng an bawlnan sum hi thil tangkai a nih vangin sawmah pakhat pek pawh hi Krista zuitute tan chuan tihmakmawh a ni awm e.
Tunlai hian Pathianram thilpek chungchang, Assembly Session ah a rik thar tak vangin sawizui a hlawh zuala, Kohhran hian sum thianghlimlo hi dawnglo ngam se, tih chu ngaihdan tha tak anga lang, a taka kalpui dawn a thil hartak nisi a ni a, tehfung lekngai tase a lektu tan lekthiam a har ngawtin a rinawm.
Eng kohhran mahin sum thianghlimlo hi an itlo tih hi chiang phawt ila, sum thianghlimlo hi Kohhran hian a lo dawng tam deuh anih pawn, a thlifimtu, chunglama roreltu khian eiraltu a khaploh phei chuan kohhran tan leh rawngbawl nan tangkaitakin a kallo maithei, hei erawh mihringlama thutlukna lo siam remlo a nih hmel.
A petu lam ten thianghlim taka an lakluh atangin pese a felfai ber ang tih hi ngaihdan thatak a ni a, heipawh hi a petuin a sum lakluh a fel leh felloh an tehna a inanglo fur thei ang.
Apawimawh ber ni ta a lang chu, rawngbawlna hi a hlawka a hlawhtlin dawn chuan mahni lam dik hmasak a ngai a, thilpek petuin sual thupnan leh mahni lama thiam inchantir duhna leh ngaihthatnan thilpek a pe thin a nih chuan Lalpa’n a tiam malsawmna chhiarsenloh a vurletna hi a dawng hauhloh ang tih hi a chiang viau awm e.