.jpg)
Khuarel chhiatna hi keimahni lam fimkhur tawkloh vanga thleng hi a awm theiin a rinawm, Insakna atan hlauhawmna laia sakte, hmunhma himlo lai a khawsakte, In hlui lutuk tawh a khawsak angte pawh hi vanduaina thleng palh thei lakah a himlo zual tih a chiang awm e.
Lawngtlai ah pawh hian mimal In leh hmunhma chu thuhranah pawh dah ta ila, Sorkar building, quarters hlui lutuk tawh, thawmthat mumal siloh a awm nuala, heng hi a himlovin, a chengte mai bakah thenawm khawveng tan pawn vanduai mangkhawng a nih theihna a sang viau in a rinawm.
Heng Sorkar quarters te hi thuneituten enfiah se a duhawm a, thawmthat emaw, thawmthat tlakloh chu thiah hial emaw ngaite pawh a awm nualin a rinawm.
A pawimawh lai ni a lang chu Sorkar hmunhma leh building a ni emaw, mimal ram leh In te pawhnise, thuneituten Lawngtlai khawpui hi nguntakin enfiah sela, him leh himlo laite, fimkhur ngai zual laite mumaltakin chhinchhiahin puangzar sela, chutatang chuan mipui lam pawn khuarel chhiatna thleng palh thei laka himturin chetlakdan an thiam phah in a rinawm.
Kan him leh himlohna hi thuitak kan kuta innghat a ni a, chhiatrupna thleng palh thei lakah lo invenlawk hi mitin mawhphurhna a ni a, In leh hmunhma himlo laite enfiah hi ngaihpawimawh hmasaka neih a thain a rinawm.