Tuialhthei khuahkhirhna D.M in a chhuah, Sorkar tha tihchak nan CYLA in duty chhunzawm an tum.

Nimin khan Lawngtlai District Magistrate chuan Bharatiya Nagarik Suraksha Sanhita (BNSS) in thuneihna a pek hmangin Lawngtlai District ah Tuialhthei khuahkhirhna thupek a chhuah a, Central YLA in Myanmar a Tuialhthei thawnluhtur an dan chu chhunzawmzel an tum thu an sawi a, Central YLA leh MTP chuan dawhkan kila inbiak thuai an tum.

Lawngtlai District Magistrate Pu Cheemala Siva Gopal Reddy chuan Lawngtlai District chhung a  Filling Station te chu Tuialhthei a man bithliah aia sanga hralhchhuak lo turin a ti a, Myanmar leh ramdang ah sumdawnna kaihhnawih ah Tuialhthei pekchhuah a remtilova, Lawngtlai District chhungah dan lova Tuialhthei lei leh phurhluh a khap bawk a, thupek zawmlo chu dan anga hrem an nih tur thu District Magistrate in thupek a chhuah ah tarlan tel a ni bawk.

Hetihlai hian Central YLA in dan kalha Rakhine State a Tuialhthei luttur an dan chu Sorkar tha tichakturin chhunzawmzel an tum thu an sawi a, an thiltih chu ramchhungmite inhrek tumna a nilo tih an sawinawn a, Lawngtlai District Magistrate in Tuialhthei khuahkhirhna thupek a chhuah chu lawmawm an tih thu sawiin,  Tuialhthei rampawna hralh chungchang ah  Mara Thyutlia Py, General Headquarters,Siaha nen dawhkan kila inbiakna neih thuai an tum niin Central YLA hruaitute chuan an sawi.

Rakhine lammi, Lawngtlaia tangkhangten an ram an pantheih nan YLA chuan ruahmanna a siammek a,ramdang nena Tuialhthei nilo, thildangah indawrna awmzenei zawka   kalpui a nihtheih nan an huamchhungah ruahmanna siam an tum.