.jpg)
Thalaite khawvel hi a nideuh hrawkin, dai deuh bawrh bawrh hrehlohna a liana, ram changkang zawkte khawsazia chu inthiamchawp nan hmangin daisual leh daipelh deuh a awm pawn inhnemnan an hmang awlsam et zel.
Social Media lamah pawh mimal zalenna alawm ti a dai bawrh bawrh mai, an mahni mimal chu sawiloh, khawtlang, ram leh hnam hmaiah belmang tattu an ni tih ngaihtuah duh manglova ri deuh bawrh bawrh an tam khawp mai.
Lawngtlai District ah pawh hetiang lam hawi hi hmuhtur a awm ve fo awm e. Sangha bomb lai Youtube a upload ta mai te pawh hmuhtur a lo awm tawh kha.
YLA Jubilee Football ah buaina a chhuaka, a thehdarh lama thahnem longai riau kan awm fur maite kha a manganthlak kan ti dawn nge ni a, Smartphone hi a humtu Smart ve deuh a ngai a ni ber awm e.
Midangin an thehdarh tho tih hi tanchhan thatak anga lang, ram leh hnam thinlungpu tan chuan chhuanlam satliah nisi a ni a, an duh chuan midang chuan thehdarh rawh se, mahni mawnghlim zawnga Social Media hman hi mipuitling zia a nilova, chhungkaw buaina chu an duh chuan thenawmten thehdarh sela, chhungkaw member chu a thehdarhtu ah i tanglo ngam teh ang u.
Zu leh Social Media chu a mawl apiangah a thawkna an ti a, hetichin hi thehdarhtur tih ramri kham awmlo mahse, mipangngai chuan Social Media a pholan awm leh awmlo chu hretrur a ngaih kan ni.