Lai Autonomous District Council hnuai a Sanitation & Waste Management Department, chuan nimin khan LADC Office Complex tih fai hnatlang an thawk.
He Faina hnatlang ah hian Officer leh Staff-te an chhuak tha hle a, Pu C. Lalhmunsiama, Sanitation & Waste Management Officer, LADC chuan LADC Pisa pui chu thawktu an thathnem bak ah Lairam Inpui a nih angin kartluanin dawrtu mipui an thahnem a, bawlhhlawh hnutchhiah pawh duhthusama thenfai senloh a awmfo tih sawiin, Pisa kailoh Ni ah hunthawl zawk leh chimbuaitu awmlohlai chuhin faina hnatlang hi an thawktih a sawi.
Sanitation & Waste Management enkawltu Executive Member Pu L.Daniala remhriatna leh thahnemngaihna vangin hmalakna dang pawh kartluana an hna pangngai piahlamah kalpui zel an tum tih Officer chuan sawiin, LADC Pisa pui vawnfai leh Lawngtlai khawpui vawnfai kawngah tanlak zual a ngai a, Sanitation & Waste Management Department chuan mipuite khawpui vawngfai turin thahwpui atan a sawm nawn tih Pu C.Lalhmunsiama chuan a sawi.
Sanitation & Waste Management Department, LADC hian tuktinin Lawngtlai khawpui chhung hmun lunlai an thenfai thin bak ah khawpui chhung Veng hrang hranga bawlhhlawhte Motor a lakhawmin a paihnatur hmun ah an paih thin.