Vawiin khan Lawngtlai ah SDO(Sadar) Pi Margaret J.Vanlalremmawii hovin Swachhata Green Leaf Rating System chungchangah DC Conference Hall, Lawngtlai ah Meeting neih a ni.
He hun kaihruaitu Pi Margaret J.Vanlalremmawii SDO(S) chuan Sorkar in faina lama hmalakna theihtawp chhuaha a kalpui mek ah mikhual thlenna hmunte tun aia faina lama hmasawnna a awmtheih nan endikna mumaltak siama, endik a an dinhmun faina lama an hlutna Rating pektur a nih thu a sawi a, Lawngtlai a mikhual thlenna neitu leh enkawltute chuan faina lamah theihtawp an lo chhuah tawhsa chu nasa zawka chhunzawm turin a chah.
Pu Netralal Jaisi Sr.E.E, PHE Department Lawngtlai Division chuan Swachhata Green Leaf Rating System chungchang sawifiahin, Sorkarin a duhber chu faina leh thianghlimna lama hmasawn a ni a ti a, tehfung hrang hrang hmangin Hotel leh Home Stay leh Lodge ang chite chu endik a nih tur thu a sawi.
Vawiin Meeting ah hian hmalakna a chak zawk theihnan leh awmzia a neih zawk theih nan hmalakdantur inhrilhhriata, infuih tharna, Mikhual ten an pan thin enkawltu leh neitute ah neih phawt nise an ti.