Lawngtlai Auto Rickshaw Owners Association in Social Media a an mahni dawta puhtu an ngaidam.

Lawngtlai Auto Rickshaw Driver te thu belhchian dawllo hmanga deusawhna leh hmuh khawlloh phah nan a hman theihtur tawngkam hmanga Facebook lam a thu thehdarhtu Joseph H.Laldingliana Sihphir Venghlun ni a inchhalin ngaihdam dilna chu Lawngtlai Auto Rickshaw Owners Association chuan an pawmsak.

Facebook a Josety Joseph Hnamte ti a indah Joseph H.Laldingliana hian Facebook lama,  thu dahchhuah pakhat a tuihnihna ah Lawngtlai Auto Rickshaw khalhtute chu tharum thawh hrehlo, hawihhawmna neilo ang a a sawi chu Lawngtlai District Auto Rickshaw Owners Association chuan an ngaithutakin, Auto Rickshaw hmanga eizawngtute hmuhsitna leh an eizawnna thlenga a thalo zawnga nghawng neithei ah ngaiin District Court Lawngtlai ah kalin Joseph H.Laldingliana hi Legal Notice pek a nih hnu ah, a thiltih chu pawi a tih thu sawiin  ziakin ngaihdam a dil a,   Lawngtlai Auto Rickshaw Owners Association chuan   ngaihdam tha an ti a, a intiam anga dawt hmanga Auto Rickshaw hmanga eizawngte puh tawhlo se an duh thu an sawi a, an ngaihdamna hi ziakin vawiin khan an thawn..

Lawngtlai Auto Rickshaw Owners Association President Pu C.Zathianga chuan Lawngtlai a Auto Rickshaw hmanga eizawngtute chu khawsak harsa te te nimahse, theihtawp chhuahin mipui rawngbawltu an nihna ah hawihhawmna an lantir thin lai leh helam hawia khauh taka Association ten an dan zam hnuai ah an inenkawl laia dawt hmanga puh an ni chu hrethiamlo hle mahse, ngaihdam dilna an dawn chu zahawm an tiin an ngaidam tih a sawi.