An lo tih thin angin Lai Women Association General Hqrs Lawngtlai chuan vawiin khan Electric Veng Lawngtlaia an Office ah HSSLC a Lairam a mi, Hmeichhia, Top 10 a langpha mi pathum chawimawina hun an hmang.
He hun hi Lai Autonomous District a Chief Executive Member Pu C.Lalmuanthanga chuan hmanpuiin, Lairam ah Zirlai chhuanawm tak tak, rampum huapa titha zinga langpha an awm thin chu lawmawm a tihthu sawiin, kan ram hi chhantlak a la ni a, kan thanharh erawh a ngai takzet a, Zirlai ten theihtawp chhuah zelse, passed ringawt chu tunlai khawvelah a tawkzo tawh lova, a thiam leh filawr, a titha ber zingah tel a ngai a, chu chu ram chhanna tangkai leh hlawk tak a ni, a ti.
Mahni nihna zahpui tan dinchhuahna a awmlova, Lai Women Association ten nasa zawkin inchhungkhur atangin Lai hnam chawinun nan tan la sauh sauh se a duh tih CEM chuan sawiin, Lai hnam hi Pathiain duhtaka a din a ni a, Laifa chuan Laifa a nihna a pawm a pawimawh a ni, a ti.
Zirlai tittha chawimawina hun LWA Gen Hqrs President Pi V.Lalrinkimi kaihhruaiin, Rev.A.Khawlrimawia, LIKBK, AOC Bialtu Pastor chuan hunserh a hmang a, Zirlai titha pathum Arts Stream a pangana Suchismita Ghosh, Lawngtlai-III, Arts a parukna Geography Subject a Topper F.Lalneihpuii Lawngttlai-III leh Art a pakua na Elizabeth Lalthanpuii, Chandmary Lawngtlai te chu CEM nupui Pi L.S.Pari'n lawmpuina a hlan a, he hun ah tel Tlawmngai pawl hrang hrang aiawh ten thu an sawi bawk.
Tags
News