.jpg)
Sorkar chhinchhiahna hnuhunga a landan chuan Lawngtlai District Myanmar atanga an sahimna zawnga tlanlut 6922, Bangladesh atanga lut 1872 an vaiin 7794 an awm mek a, Sorkar chhinchhiahna a langlo hi engemawzat an awmtheiin a rinawm a, mi singkhat dawn hi chu raltlan Lawngtlai District ah an awm mai awm mange, hei erawh zeldin thu deuh a nia.
An ramah an himlova an sahimna zawng tute hi Sorkar leh tlawmngai pawl hrang hrang, Kohhran atanga tanpuina lut hmangin raltlante chhawmdawlna hi kalpui thin a ni a, an belh khuate tan pawn luhaithlak chang a tam ngawt ang. Sorkar hian Refugee angin a pawm silova. Hetichunga mi hetizat District hnufual leh rethei ah chhuanchham em awmlova an khawsa thei hi Lawngtlai District fakawmna leh hmel mawina a ni.
Hetiang khawpa mikhual duata enkawl hi kum tamtak kalpui theih a nihloh hun a thleng thei, hetih rual hian Raltlan ngampa tak tak te hian an mahni khawngaihtute beng a tithlep thei a, India khua leh tuite chauhin an neihtheih neih ve phettum a phe phe te, nei ta hial te pawh an awm ni a sawite hi hmala theituten an enzui a tul viauin a hriat.
Khuahkhirhna a khauhloh chuan Lawngtlai District hian duat taka a enkawlte hi a chhiatpui thuai thei tih a chiang a, tun ang ngawt aia khuahkhirhna tha zawk hi mamawhna a sang viau in a hriat.