Lawngtlai District Students' Association leh Lawngtlai West MLA te tangho in, vawiin khan District a Lawngtlai West Assembly Constituency chhunga zirlai ti tha te chawimawina hun hmangin, he hunah hian Lawngtlai West atanga kumin a HSLC leh HSSLC Distinction a pass chin zirlai 21 hnenah chawimawina thuziak an hlan.
He hun hi Pu.C.Lalmuanthanga, CEM, LADC chuan khuallian ni in a hmanpui a, Pi. Margaret J.Vanlalremmawii SDO (Sadar) chu khual zahawm a ni.
Khhuallian chuan zirlai naupangte fuihna thu sawiin, khual zahawm Pi.Margaret J.Vanlalremmawii pawhin Motivational Speech sawiin hun a hmang a, an ni bakah hian LDSA President Pu.F.Lalkulhchungnunga leh hehun a tel School Principal ten thu an sawi bawk.
He hun ah hian Lawngtlai khaw chhung school atangin zirlai 100 chuang an tel a, he hun a tel hi an zavaiin mi 150 chuang an ni. Zaithiam lar Latei Hringen chuan kalkhawmte hi zaiin a awi bawk a ni.
LDSA Secretary Pu.Gabriel Zochhawna chuan, naupangte an hlan tur citation siamna atana phal taka sum leh pai thawhtu Lawngtlai West Bialtu MLA Pu.C.Ngunlianchunga chungah LDSA hmingin lawmthu a sawi a, Chief Guest Pu.C.Lalmuanthanga CEM LADC pawhin refreshment man leh senso tul dang a tumsak avangin a chungah lawmthu a sawi bawk.