Nizan khan Lawngtlai Vengpui a Pu Thangnawna (L) In Assam type chu bungrua engmah chuh hmanlohvin a kang a, vanduaithlak takin mi pahnih an kanghlum.
Kangmei hi zan dar 9 vel ah chhuakin, thenawmawm khawveng, vengchhungmi leh kangmei a chhuak tih hria apiangte tlankhawm nghalin Fire & Emergency Service lam pawh koh nghal nimahse, kangmei hi a nasat tawh vangin Inchhunga awm Pi Sungṭiali kum 76 Pu Thangnawna (L) nupui leh Pi Darhliangi kum 70 Pu Thangnawna (L) farnu chu chhanchhuah theih an nilova, vanduaithlak takin nunna an chan. Kangmei a chhuahlai hian In ah hian mipathum awmin mipa pakhat chu tukverh lam ah zuangchhuakin a him. Lawngtlai ah hian Inrinni zan atangin Power supply a awmloh vangin kangmei hi Mombati chhit atanga chhuak ni a an ngaih thu khawtlang hruaitute chuan an sawi.
In kanna hmun hi nizan khan Lawngtlai East bialtu MLA, Dr.Lorrain Lalpekliana Chinzah, Lai Autonomous District Council CEM mawhphurhna la mektu Pu Lalropuia Chinzah bakah Lawngtlai DC office atangin official ten an tlawhnghal a, bialtu MDC Pu V.L.Hmuaka Chairman LADC chuan thutchilhin, tukin khan Lawngtlai West bialtu MLA.Pu C.Ngunlianchunga pawn chhiatna thlenna hmun hi a tlawh bawk.
Heng mipawimawh vanduaina thlenna tlawhtue hian chhawmdawlna leh tanpuina khawtlang hruaitute hnennah hlanin Adviser to Chief Minister Dr.Lorrain Lalpekliana Chinzah chuan chhiattawkte chhawmdawlna sorkar atanga awmthei ang angte buaipui nghal a nihtur thu sawiin, chenna In dang saturin theihtawp a chhuah tur thu a sawi a.
Lawngtlai West MLA Pu C.Ngunlianchunga pawn mitthi chhungte a tawrhpui thu sawiin Sorkar atanga tihtheih awmte tih nghal a nihtheih nan a tangtai theihna zawn ah theihtawp chhuah a tum thu a sawi.
Vengpui khawtlang hruaitute chuan ruang tlak zawh ah In kang senghawi dantur leh In sakdantur leh chhiattawkte chhawmdawl dantur an ngaihtuah dawn.