Lawngtlai DC office-in an chhinchhiah danin, tun dinhmunah Lawngtlai District chhungah Myanmar atanga raltlan lo lut mi 5,922 (mipa puitling 1,860; hmeichhe puitling 2,049 leh kum 18 hnuai lam 2,013) awm mekin, relief camp 38-ah leh khaw hrang hrang 55-ah an awm darh a. Myanmar atanga raltlan lo lut chhinchhiah hnuhnung ber chu April ni 25, 2024-a Hruitezawla lo lut an ni.
Bangladesh atanga raltlan mi 1,872 (mipa puitling 580; hmeichhe puitling 499 leh kum 18 hnuai lam 793) awm ve thungin, relief camp 12-ah leh khaw hrang hrang 11-ah an awm darh a. Bangladesh atanga raltlan lo lut chhinchhiah hnuhnung ber chu June ni 3, 2024 kha niin, hemi tum hian Chamdur P-I-ah mi 28 chhungkaw 11 an lo lut a ni.
Tuna Lawngtlai District-a raltlan awm mekte hi kum 2021 (Covid 19 hri lenlai) atang khan lo lut tanin, a khat tawka lo luh belh zelin, tun hnai lawk (May-June, 2024) pawh khan Bangladesh atangin mi 191 an lo luh belh leh a. Sawrkar lam leh tlawmngai pawl hrang hrang atanga tanpuina lut hmangin raltlante chhawmdawlna hi kalpui thin a ni.
Hetihian tun dinhmun ah Sorkar in a chhianchhiahna atanga a landanin Lawngtlai District chhung ah an sahimna zawng a Myanmar leh Bangladesh atanga raltlan 7794 an awm mek.