LADC Sorkar thuchhuaha tarlan a nihdanin, vawiin chawhnu khan, Pu Cheemala Siva Gopal Reddy LADC enkawl lailawktu (Caretaker) chuan , Lawngtlai khawpui chhunga Village Council te hnenah bawlhhlawh bawm a sem a, hemi puala inkhawm hi CEM LADC Conference Hall-ah neih niin, CEM LADC Office tualah Bawlhhlawh bawm hlanna hun hman a ni
Pu Cheemala Siva Gopal Reddy chuan he hun a tel Lawngtlai khawpui chhunga VC te chungah lawmthu a sawia, Lawngtlai khawpui chhung hi kan vawngfai theia, Mizoram khawpui fai ber ni thei tura tanlak a tul thu sawiin, faina leh thianghlimna zirtirna kawngah pawh theih tawp chhuah tul a tih thu a sawi a, Lawngtlai chu khawpui thianghlim leh nuam tak kan nih theih nan VC te chu an huamchhungah theihtawp chhuah turin a chah.
Caretaker chuan, LADC Revenue hmuh atangin bawlhhlawh bawm 100 lei a nih thu sawiin, chungte chu Khawpui chhung VC tinah paruk (6) theuha sem a nih thu leh veng lian deuh ah chuan an mamawh dan a zirin pektam deuh an ni a ti a, bawlhhlawhbawm te chu venglun lai deuhah dah tur niin , chawlhkar khatah vawihnih lakhawm thin a ni dawn tih sawiin, , Carbage back pawh engnge maw zat pek an nih tur thu a sawi a, hmalakna chu a hmahruai chauh a ni a, harsatna leh mamawh an neih chuan, Sanitation Dept LADC ah hriattir thin turin VC te a chah a, Sanitation & Waste Management Dept LADC chuan, Bawlhhlawh sawngbawlna tur a hmuh tur thu sawiin, theihtawp chhuaha tan lak tlan a ngaih thu a sawi.
He hun hi, Pu HC. Vanlalruatpuia Sanitation & Waste Management Officer chuan Kaihruaiin, Pu K.Lalthanzara Executive Secretary LADC pawhin thu a sawi bawk.