.jpg)
Hun enge- mawchen LADC chu Caretaker enkawlna hnuaiah a awma, Sorkar piang thuai thuaise tih chu mipui leh Politician te pawn an duhdan a ni a, tunah Sorkar thar piangturin thuitak kalpui a ni tawh a, Sorkar thar hmel pawh kan hmuthuai turah ngai ila.
Sorkar mumallo vei em em te zingah Sorkar dintheitura hmalakna kalpui a nih hian, tuipui leh ta vaklo a awmtheih a, hengmite hi a tlangpuiin Party in a bualat te an ni duh.
Mahni awmna Party lo chuan ram siamthatte, mipui kaihhruaite hi theilo emaw, tlinlo bik riau tura ngaihna liantak neih tlatna hian ram than a tithu thin.
Tuntum LADC boruakah ZPM lam an fakawm khawp mai, rem leh remlova Sorkar siamtuma beih zui zel ai chuan an beidawn thu Chanchinbumite kaltlangin an puang mai a, Chanchinbumite hman tangkaina chang an hria hi a lawmawm a, thil nihdan an sawi mai hi an fakawm.
Hmankum khan India rampum huapa Political Party inhalber anga ngaihtheih, BJP leh Congress chuan CADC ah Sorkar intawm an lo siam tawh a, Mizoram a Political Party inbei nasa ber chu Congress leh MNF an ni a, tuntum ah hian LADC ah heng Party pahnihte hian Sorkar intawm an siam dawn niin a lang a. Polititics ah hmelma an awm tak taklo an tih hi a dik a, chung ai chuan LADC ah Sorkar a piang thei dawn ni a lang hi a lawmawm a, tute pawn Sorkarna siamse, ram hmangaihna hian Sorkar laimu luah sela, ram in a zar a zo anga, hmasawnna kan sawisek te pawh hi a taka hmuhturte pawh a tam phah thei deuhin a rinawm.