Health & family Welfare Deparetment in nausen piang hlim atanga upa deuh thlenga, hunbi ruahmansa hmanga hridanna an pek thin Routine Immunization chu tunlai hian Lawngtlai District ah kalpui mek a ni.
Vawiin lam ah pawh hridanna pek hi neih chhunzawm niin, nausen, hridanna vawikhat lakna te chu hridanna chi nga, Zeng hri danna, Kawthalo venna, Phenumonia venna, Hepatitis venna leh Skawrekhrik danna te pek an ni a, hridanna an lak atanga Ni 28 hnu ah hridanna hi pek leh an ni anga, tum thum pek tura ruahman a ni.
Dr.S.Thaizi District Immunization Officer, Lawngtlai District chuan Sorkar chuan ram mipuiten hriselna tha an neihtheih nan theihtawpin hma a la tih The Lawngtlai Post hrilhin, hridanna lak chu ngaihpawimawh hle a tul a, a huntaka a nihdantura hridan lak chu an lo puitlin thlengin hri lakah harsatna an tawhlohna tur a nih vangin hridanna lathei rual neiten a pekna hmun pana, la ngei turin a chah.
Tags
News