State Transport Authority in Passenger phur lirthei chuanman a bithliah thar a, hman nghal tura tih a ni.

State Transport Authority Meeting kumin February 19 a neih chuan Passenger phur Lirthei chuanman a bithliah thar a, District Transport Officer, Lawngtlai District chuan hemi chungchang hriattirna hi April 8, 2024 khan chhuahin, chhuah a nih atangin Rate thar hi hman nghal tur a nih thu DTO, Lawngtlai thuchhuah ah chuan tarlan tel a ni.

Rate thar ang chuan, Two Wheeler Taxi chuanman chu KM 1 ah Rs.30/- niin KM 1 a pelhin KM tinah Rs.20/- zel belh tur a ni.

Autorickshaw chuanman chu KM 1 ah Rs.35/- niin KM 1 a pelhin KM tinah Rs.25/- zel belh tur a ni.

Taxi chuanman chu KM 1 ah Rs.55/- niin KM 1 a pelhin KM tinah Rs.45/- zel belh tur a ni.

Maxicab chuanman chu mipakhat tan  Metalled Road ah KM 1 ah Rs.3.50 niin, Metalled Road lovah KM 1 ah Rs.4.00 a ni.