Lai Women Association General Headquarters ten Lairam Zaihla (Hla bu) an siam chu vawiin khan LADC Hall, Lawngtlai ah Pu Joseph Lalhmingthanga Chinzah, General Secretary, Central Young Lai Association chuan a tlangzarh.
Tlangzarh inkhawm hi Pi V.Lalrinkimi President LWA Gen Hqrs chuan kaihruaiin, Pu Joseph Lalhmingthanga Chinzah chuan Mosia kha Aigupta lal In ah awm mahse, a hnam a theihnghilh lova, a sakhua vawn a thlah heklo, eng dinhmunah pawh ding ila, Laifa kan nihna hi kan vawnhima, kan chawisan deuh deuh angai, mahni hnam zahpui leh hnualsuattuten khawiahmah hnam anga dinchhuahna an nei ngailo a ti a, hmasawnturin kan khawihawi kan zauh a ngaia, kan khua leh District piahlam, kan State pawnlam leh ramdang thlir pha chunga kan khawhawi a tha zawnga kan zauh a tul a ni tiin, kan nun hian Laifa kan nihna tarlang sela, chu chu hnam dinchhuahnan leh hmasawn nan thil tangkai tak a ni a ti a, LWA ten Lai hla tha tak tak dahkhawmna Lairam Zaihla an buatsaih chu lawmawm a tihthu sawiin, ziaka thildahthat hi a hlu a, hnam ro a ni a ti.
Lairam Zaihla hi LWA Office Electric Veng Lawngtlai ah bu khat Rs.150/- in leitheih a ni.