Zankhat riaktura Lawngtlai tlawhmektu Doordarshan Kendra Aizawl Director (News) Pu Nampibou Marinmai chuan vawiin khan Lawngtlai DC leh SP bakah Official leh Tlawmngai pawl thenkhat a kawm.
Pu Nampibou Marinmai hian Lawngtlai DC Pu Cheemala Siva Gopal Reddy chu a Office ah hmuin Lawngtlai District dinhmun tlangpui an sawiduna, DC chuan District inawpna leh enkawlna ah harsatna liantham an neihloh thu sawiin Lok Sabha inthlanpui pawh tluang takin mipui ten Vote an thlak tih sawiin, Lawngtlai District chu Myanmar leh Bangladesh nen ramri thuitak intawm an nih vangin Raltlan buaipui lai an neih thu sawiin Myanmar raltlan 6000 vel leh Bangladesh atanga Bawm hman raltlan 400 vel an awmmek thu a sawi.
Lawngtlai SP Pu R.Lokheshwaran pawh Doordarshan Director hian a Office ah kawmin venhimna lama Lawngtlai District dinhmun tlangpui an sawidun a, SP chuan theihtawp chhuaha hma an lak thu leh Tlawmngaipawl leh mipui thawhpuina an dawn nasat thu a sawi
Pu Nampibou Marinmai hian District Indormation & Public Relations Office pawh tlahwin Pu C.Lalhruaitluanga DIPRO Lawngtlai nen inkawmin chanchinthar thehdarhna kawnga hmalakna dan an sawidun.
DC, SP leh DIPRO te chuan Lawngtlai District chu Doordarshan leh AIR News a an lantam thu leh Stringer te inpekna leh thawhrimna chu chhuanawm an tih thu Doordarshan Director hi an hrilh.
Chawhnu lam ah Pu Nampibou Marinmai hian Lawngtlai bul a Kanan Refugee Camp a tlawh bak ah Mizoram Upa Pawl District Hqrs Lawngtlai hruaitute a kawm bawk.
Pu Nampibou Marinmai hian Vengpui Lawngtlai a Doordarshan Low Power Transmitter hluihlawn tawh chu tlawhin mipui tana tangkai zawka hmandan zawn a tum thu a sawi.
Nampibou Marinmai hi a fanu Sasana chuan tawiamwin zanin ah Lawngtlaiah an riak anga, naktuk zing ah Lawngtlai chhuahsanin Aizawl an pan ang.
Tags
News