MJA Lawngtlai District te chuan Journalist pahnih, MLA a thlantlin, Pu K.Sapdanga leh Pu Lalnghinglova Hmar te hmuin lawmpuina thuziak leh thilpek thenkhat dang an hlan a,
Home Minister Pu K.Sapdanga hnenah Lawngtlai District chu ramdang Myanmar leh Bangladesh nen ramri thuitak intawm a nih vangin venhimna lam ah hmalak ngai a tam thu an thlen a, Lawngtlai District Police thuamthat an ngaihthu leh an enkawl Department in hmabak a ngah thute an thlen bawk.
Minister of State Pu Lalnghinglova Hmar pawh lawmthuziak hlanin Lawngtlai a Excise Department tihlen a tulthute, District hnufual a nihna hriatsaka thalaite tan kawng hrang hranga hmasawnna awmtheite ngaihpaiwmawhsak turin an ngen bawk.
Lawngtlai District MJA te hian Annual Confrence an neihtuma Resolution an lo passed chungchangah Power and Electricity Minister Pu F.Rodingliana pawh hmuin Mizoram chhimlam in awmzenei zawk a kawlphetha an hmu theih nan theihtawp chhuahturin an ngen.
MJA Lawngtlai District ten Minister an hmuhte hian hmalakna kalmek leh hmachhawp an neihte MJA te hi lo hrilhin, Minister pathum te chuan an remchan hmasak ber ah Lawngtlai District tlawh an tum thu an lo hrilh a, MJA Lawngtlai ten ram leh District hmasawna tur an thlente chu theihtawp chhuaha lo enzui an tum thu an sawi.
MJA Lawngtlai District te chuan UD&PA Director, Dr.Andrew H.Vanlaldika pawh a Office ah hmuin, UD&PA hnuaiah Lawngtlai khawpui cheithat leh hmasawnna awmthei ang ang ngaihtuahsak turin an ngen bawk.